Adeste Fideles

Adeste, fideles, læti triumphantes.

Venite, venite in Bethlehem.

Natum videte Regem angelorum.

Venite, adoremus (ter)

Dominum.

En grege relicto humiles ad cunas,

Vocati pastores approperant,

Et nos ovanti gradu festinemus.

Æterni Parentis splendorem æternum,

Velatum sub carne videbimus,

Deum infantem pannis involutum.

Pro nobis egenum et fæno cubantem

Piis foveamus amplexibus ;

Sic nos amantem quis non redamaret ?